Danse a conocer los Ganadores de los XV Premios Impulsa de Xixón

Los ganadores de la nueva edición de los nuesos Premios Impulsa Conceyu de Xixón ya tienen nomes. Axuntáu’l xuráu esti pasáu 27 de marzu, evaluaronse les candidatures recibíes pa les 6 categoríes recoyíes na convocatoria.

La entrega de galardones va tener llugar el próximu 11 d’abril a partir de les 19:30h en Llaboral Ciudá de la Cultura, nun actu presidíu pola Alcaldesa, miembros de la corporación municipal y destacaos representantes d’otres instituciones y organizaciones locales y rexonales.

Una vegada valoraes les mesmes, decidiéronse premiar les siguientes candidatures:

MEYOR START-UP: TRIDITIVE S.L., el Xuráu destacó esta iniciativa pol desenvolvimientu de tecnoloxíes innovadores d’altu valor añedíu tendentes a acelerar la industrialización de la fabricación aditiva, apurriendo dende’l so centru de producción en Xixón un sistema deautomatización completa, capaz de ser esportáu a otros llugares del mundu. La empresa, que cunta con un equipu promotor con altu nivel de conocencia y esperiencia, presenta un eleváu potencial de crecedera y espansión internacional.

MEYOR EMPRESA CULTURAL Y CREATIVA: VIRTUAL INTELLIGENCE, S.L.,

el Xuráu destacó esta iniciativa por ser una empresa creativa, qu’ufierta soluciones integraes altamente innovadores en múltiples campos, como les tecnoloxíes 3D, realidá virtual, intelixencia artificial o fotogrametría, que-yos dexa dirixir se a un ampliu grupu de mercaos y con gran potencial de futuru. Integrada por un equipu transdisciplinar que cunta con amplia formación y esperiencia, tien como oxetivu aplicar les nueves tecnoloxíes para averar y potenciar l’arte y la cultura na sociedá actual.

MEYOR EMPRESA INDUSTRIAL: ATOX SISTEMES D’ALMACENAXE, S.A., el Xuráu decidió otorgar esti galardón por tratase d’una empresa líder nel sector del diseñu, fabricación y montaxe d’estanteríes metáliques y sistemes d’almacenamientu. Ocupa esta posición gracies a la investigación, el desenvolvimientu tecnolóxicu y l’innovación, según pola so capacidá d’adaptación a los nuevos tiempos, lo que los llevó a convertise n’una compañía moderna, sólida y competitiva, con una visión abierta a otros mercaos y una gran vocación esportadora.

    MEYOR EMPRESA DE LA MILLA DE LA CONOCENCIA: SVMAC INGENIERÍA SISTEMES Y VEHÍCULOS, S.L.,  el Xuráu decidió otorgar el galardón a esta empresa de base tecnolóxica, intensiva en conocencia y con un altu componente innovador que se demuestra cola so cartera de proyectos d’I+D nel sector de la tecnoloxía para l’agricultura de precisión. Cuenta con un equipu promotor altamente cualificáu qu’apuesta por retener el talentu dientro de la empresa, actuando en constante collaboración con distintos axentes de la Milla de la Conocencia para’l desenvolvimientu de los sos productos y servicios.

    MEYOR EMPRESA LIDERADA POR MUYERES: TERRAIN TECHNOLOGIES, S.L.,   el Xuráu hai decidootorgar esti galardón a esta empresa al mandu de la cual atópase Mª Jesús Argüelles, xerente y fundadora de la mesma. Con una sólida formación acreditada por titulaciones oficiales tantu nacionales como internacionales, atropa una esperiencia de más de 20 años nel sector cartográficu/GIS/3D, y más de 15 años al mandu de la empresa, creada con proyección internacional dende los sos entamos, consiguiendo la crecedera y l’afitamientu de la mesma nun sector tecnolóxicu altamente especializáu y mayoritariamente masculín.

TRAYECTORIA EMPRESARIAL: CUAYA LOXÍSTICA, S.L.,   el Xuráu hai decidootorgar esti galardón,por ser una empresa familiar colos sos oríxenes nel añu 1955 n’una pequena tienda d’alimentación nel centru de la ciudá, siendo capaz de, nun sector tradicional como ye’l comerciu, evolucionar y afaese a les necesidaes del mercáu, pero siempres calteniendo intactos los sos valores de productos d’alta calidá y enfotu. Igualmente apuesta pola estabilidá nel empléu y la conciliación de la vida familiar y profesional de la so plantiya.