ConceyosFiestesTurismu Conciertos y visites diurnes y nocherniegues nel séptimu aniversariu del Centru d’Interpretación del Campusantu de La Carriona (CICLAC) by redacción asturnews 31 d'ochobre, 2019 written by redacción asturnews 31 d'ochobre, 2019 197 Esti xueves 31 d’ochobre, el Coru de Voces Blanques d’Enseñances Profesionales del Conservatorio Julián Orbón, y la Banda de Música d’Avilés, van ufiertar otru recital como’l d’ayeri miércoles nel Centru d’Interpretación del Campusantu de La Carriona.Les visites son gratuites, ye necesaria inscripción previa y tienen un aforu máximu de 50 places caúna. El CICLAC va tener horarios especiales hasta’l sábadu 2 de payares. El Centru d’Interpretación del Campusantu de La Carriona cumple esta selmana siete años, coincidiendo nel tiempu cola celebración de Tolos Santos y Difuntos. Para conmemorar l’aniversariu, la conceyalía de Cultura d’Avilés preparó un programa con visites empuestes y conciertos, al cargu de la Banda de Música de la ciudá y del Coru de Voces Blanques de les Enseñances Profesionales del Conservatorio Julián Orbón. La Banda de Música d’Avilés, con Cuesta na dirección, va ufiertar el so conciertu esti xueves 31 d’ochobre, yá dientro del campusantu, na Plaza de la Capiya del campusantu, a les 19.30 hores. De siguío, a les 20 hores, visita empuesta nocherniega, con salida nel CICLAC. Antes de la cita vespertina, el mesmu xueves, a les 12 hores, preparóse una nueva visita empuesta diurna, tamién con puntu d’alcuentru nel CICLAC. Pa realizar les visites empuestes, d’accesu llibre y gratuitu, y con un máximu de 50 places per percorríu, ye necesaria inscripción previa, nos teléfonos 985 565 512 y 985 541 939 o nel corréu electrónicu museodeavilesaviles.es. Hasta’l sábadu, 2 de payares, preparáronse horarios especiales de visita al CICLAC y al Campusantu de La Carriona. Los siguientes: Xueves 31 d’ochobre: de 10.00 a 13.00 hores, y de 16.00 a 20.30 hores. Vienres 1 de payares (Tolos Santos): de 10 a 20 hores. Sábadu 2 de payares (Difuntos): De 11.00 a 13.00 hores y de 16.00 a 18.00 hores. 0 FacebookTwitterPinterestEmail Anterior La colección de dibuxos del Institutu de Xovellanos abrese hasta xineru siguiente Pintura antigua del legáu Lledó Suárez en Xixón Tamién te podria gustar Iniciativa pol Asturianu y Barbón desixen a Adif... L’Atles llingüísticu del Navia-Eo ponse n’accesu llibre El Trasiegu Fest conclúi col envís de poner... El Trasiegu Fest va tener un mercáu con... Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes Barry B pieslla’l cartelu del Festival VESU San Xuan celebrase en toa Asturies con Xixón... Blanca Fernández foi la pregonera de la XXVII...