Biblioteques llanza n’Uviéu un concursu de Booktubers pa conmemorar el Día del Llibru

Biblioteques llanza n’Uviéu un concursu de Booktubers pa conmemorar el Día del Llibru
23 abril 09:24 2021 Imprimir

La conceyalía d’Educación d’Uviéu, al traviés de la área de Biblioteques, entamó una novedosa actividá pa conmemorar el Día del Llibru empuesta al fomentu de la llectura ente los mozos y los neños. Anguaño, Biblioteques entama’l primer concursu de Booktubers, la versión youtuber de los amantes de la llectura, na que los participantes van faer los sos galanes como críticos lliterarios en formatu audiovisual.

La manera de participar nel concursu ye la siguiente: (Bases del Concursu)

Cueye un llibru, un vídeu, cámara, tablet y grábate falando d’un llibru.
Únvialo antes del 26 a les 23:55 a coordinacionbibliotecasoviedo.es y déxanos un móvil de contactu.

 Establécense dos categoríes:

– xuvenil de 12 a 17 (nesti casu precisará autorización del tutor o tutora teniendo d’apaecer nel corréu nome y apellíos del padre y/o madre y el so teléfonu).
– senior: 18 y más.

  • Cada participante solo va poder participar con una única reseña.
  •  El vídeu tien de tener una duración mínima de 1 minutu y máxima de 5 minutos.
  •  Reseñar tien de contener de forma obligatoria’l títulu, autores, editorial del llibru reseñáu.
  •  Los videos van colgar na canal de YouTube de la Rede de Biblioteques del Conceyu d’Uviéu.
  •  Un xuráu formáu por persones venceyaes col mundu de la lliteratura, imaxe y audiovisuales, va escoyer los dos meyores de cada categoría con un premiu de llote de llibros pa cada premiáu/a.
  • Va valorase la orixinalidá, calidá técnica y coherencia del mensaxe.
  • La presentación al concursu implica que los as booktubers reconocen que’l conteníu grabáu ye dafechu de la so autoría y qu’acepten les bases del concursu.

Amás, la conceyalía empobinada por Lourdes García inclúi otres actividaes tamién dirixíes al públicu xuvenil ya infantil, que son les siguientes:

El próximu 23 d’abril les persones qu’alleguen a les biblioteques abiertes de l rede van poder llevase en préstamu un llibru sorpresa. Va poder ser una novela d’arte, una novela gráfica, dalgún autor nórdicu, gallegu, sobro la naturaleza, humor. Hai qu’atrevese a lleer lo desconocío.

Amás ellaboróse una Guía de Llectura con tolos premios nacionales de Lliteratura Infantil y Xuvenil que puede lleese equí.

  Categories: