25 años y micromecenazgu pal nuevu discu de Felpeyu, “Cerquina”

25 años y micromecenazgu pal nuevu discu de Felpeyu, “Cerquina”
07 mayu 10:52 2017 Imprimir

El grupu de folk asturianu Felpeyu cumple 25 años y entama una campaña de micromecenazgu pa sacar el so nuevu discu en vinilu que va llebar per títulu “Cerquina”.

El grupu de folk asturianu Felpeyu cumplió va pocos meses 25 años. Y pa celebrar tantos años de conciertos, discos y, sobre too, música asturiana, la banda va sacar trabayu discográficu nuevu nes próximes selmanes. El discu yá tiene nome, “Cerquina”, y ta compuestu por 12 temes ente los qu’haipasucáis, marches, muñeres, alboraes, xotes y dances, siendo 6 d’ellos cantaos, volviendo apostar, otra vuelta, polos temes con lletra. Pa poner lliteratura a la so música usaron lletres propies pero también del escritor y lletrista xixonés Boni Pérez.

El discu corona 25 años de trabayu, y por cuenta d’ello, la banda quier facer daqué especial. El grupu nunca nun sacó un discu en vinilu, polo quier dar la opción a los seguidores de tener un 33 revoluciones de Felpeyu. Pa ello ta yá en marcha un micromecenazgu pa recibir aportaciones con distintes recompemses que permitan sacar el discu nesti fotmatu. Hai más información en:

https://www.verkami.com/projects/17475-felpeyu-cerquina

Felpeyu ta mui contentu de l’acoyida que ta recibiendo la iniciativa, yá que nes poques hores que lleva activu’l micromecenazgu, yá se recibieron mucnhes aportaciones. El grupu xixonés ta convencíu de que va ser una ñu mui prestosu, unu más que sumar a los 25.

Loading Facebook Comments ...