Xixón va acoyer un coloquiu internacional sobro la Edá del Fierro

Xixón va acoyer ente’l 13 y el 15 de mayu’l 45 Coloquiu Internacional de l’Asociación Francesa pal Estudiu de la Edá del Fierro (AFEAF),  nel que mientres trés xornaes investigadores, científicos y espertos de primer orde de toa Europa (Holanda, Inglaterra, Francia, Bélxica etc.) van falar del tresformamientu de les materies primes na dómina castreña.

La AFEAF, creada en 1983 por investigadores de delles instituciones pa promover la conocencia sobro esti significativu periodu de la hestoria, celebra cada añu en Francia un coloquiu a nivel nacional sobro les temes más actuales d’investigación na Edá de Fierro, y cada cuatro años un coloquiu de calter internacional buscando xunir  l’estudiu de lo rexonal al contestu européu.  El postreru foi en  Praga en 2017.

El periodu d’inscripción de participantes que va tar vixente hasta’l día 26 de marzu o hasta cubrir l’aforu de la sala. El Coloquiu va tener formatu presencial (Palacio Congreso Luis Adaro) y on line, y diríxese a estudiosos, investigadores y públicu interesao.

Más información