Portada Conceyos Xixón va acoyer el V Alcuentru de la Rede de Destinos Turísticos Intelixentes

Xixón va acoyer el V Alcuentru de la Rede de Destinos Turísticos Intelixentes

by redacción asturnews

En siendo finalista pa ser Capital Europea del Turismu Intelixente, Xixón va convertise del 9 al 11 de mayu na see del V Alcuentru de Xestores de la Rede de Destinos Turísticos Intelixentes (DTI).

L’oxetivu d’esti alcuentru ye axuntar más de 150 xestores de casi un centenar de destinos integraos na Rede DTI para la xeneración de sinerxes, la tresferencia de conocencia y l’intercambiu d’esperiencies y moliciones para la puesta de mancomún del trabayu desenvueltu nos sos territorios. Coles mesmes, va llevar a cabu la presentación de nueves bones práctiques, talleres d’espertos y sesiones de los grupos.

Anguaño, la Rede de Destinos Turísticos Intelixentes suma 618 miembros: 437 destinos, 87 miembros institucionales y 91 empreses collaboradores y 3 observadores internacionales.

El proyectu de Destinos Turísticos Intelixentes, impulsáu pola Secretaría d’Estáu de Turismu, al traviés de SEGITTUR, tien como oxetivu ameyorar la xestión de los destinos, por aciu l’impulsu del tresformamientu dixital, a la que quier impulsar un desenvolvimientu sostenible del turismu y asegurar el prestu de los turistes y ameyorar les condiciones de vida de la población.

SEGITTUR exerce los llabores de Secretaría Técnica de la Rede DTI y la xestión del proyectu Destino Turísticu Intelixente. Unu apueste por un modelu de desenvolvimientu turísticu basáu nos conceutos de gobernanza, innovación, tecnoloxía, sostenibilidá y accesibilidá col que garantizar el presente y el futuru del turismu. Un modelu que cunta cola reconocencia internacional d’organismos ya instituciones tan relevantes como la OMT, la OCDE, el BID o la WTTC.

 

Tamién te podria gustar