Xixón trai una nueva ufierta formativa gratuita pa profesionales del turismu

Tres l’ésitu de la convocatoria de la primavera pasada, Xixón Turismu vuelve llanzar una serie de cursos, píldores formatives y webinars empobinaos a los profesionales del sector turísticu xixonés.

Toos estos cursos van ser gratuitos y van poder a aportar a ellos cualesquier profesional que desenvuelva’l so trabayu nuna empresa turística allugada en Xixón. Los cursos van empobinaos a agospiamientos, hostelería, comerciu y empreses d’actividaes turístiques y van xirar en redol a temes como la xestión hostelera, marketing, eficiencia en costos, xestión de provisores, accesibilidá o serviciu al veceru, ente otros.

“L’oxetivu fundamental d’esti programa de formación ye caltener a la nuesa ciudá nuna posición de lideralgu como referente del turismu urbanu, teniendo en cuenta que les persones son la piedra angular de los axentes que conformen el sector turísticu y, poro, la cara visible del nuesu destín”, esplica Daniel Martínez Junquera.
Cursos pa profesionales del sector turísticu

Les inscripciones van poder realizase en www.gijonturismoprofesional.es, web puesta en marcha anguaño per Xixón Turismu dirixida a les empreses y profesionales del sector turísticu de la ciudá. Con esti portal, Xixón Turismu pretende aunir tola información necesaria p’ameyorar la profesionalización del sector y l’ufierta de Xixón y p’aportar a los programes calidable, accesibilidá y sostenibilidá.

CONSULTA NESTI ENLLAZ TOLOS DETALLES SOBRO LOS CURSOS DISPONIBLES