Xixón pon en marcha PequeFeria pa favorecer la conciliación nes navidaes

El Conceyu de Xixón pon en marcha, per primer vegada, el programa PequeFeria, qu’amplía la ufierta de recursos municipales destinaos a favorecer la conciliación estes navidaes.

Enmarcáu nel programa Corresponsables, les actividaes de PequeFeria van realizase trés veces (del 26 al 28 d’avientu, del 29 al 31 d’avientu, y del 2 al 4 de xineru) pa un total de 300 neñes y neños d’ente 5 y 14 años.

N’horariu de 10.00 hores a 14.00 hores na Ferial Lluis Adaro, los participantes van aprender de robótica, realidá virtual, van realizar multideporte, xuegos educativos, etc. por un preciu de 5 euros con inscripción previa.

El plazu d’inscripción ta abiertu hasta’l 22 d’avientu y, amás de pola web o la APP, les inscripciones pueden realizase presencialmente nes oficines d’Atención a la Ciudadanía.