Portada Educación Educación habilita beques de llibros pa 18.000 alumnos escluyíos

Educación habilita beques de llibros pa 18.000 alumnos escluyíos

by redacción asturnews

Una de la principales novedaes del presupuestu de la Conseyería d’Educación pa 2023 ye aumentar la partida destinada a les beques de llibros de testu. Unes beques que, nel casu de la escuela pública, son dirixíes a los centros, que xestionen bancos de llibros que vencen en forma de préstamos a los alumnos becaos.

Nel casu de l’alcordada, tratase d’ayudes nominales, directes al alumnáu, una y bones la llei nun dexa faelo d’otra manera. La conseyera d’Educación, Lydia Espina, destacó que la cuantía aumenta casi un 50%. Para la pública pasa de 1,7 millones a 2,6, sumando 873.000 euros. Tocantes a l’alcordada, va recibir unos 558.000 euros.

Na última convocatoria, resuelta pel branu, presentáronse 34.777 solicitúes de beca, de les que fueron atendíes menos de la metá, 16.630. «Eses families tuvieron que mercar los sos llibros, nun cursu con menos opciones de consiguilos por préstamu pol cambéu de llei», llamenten na Miguel Virgós. Precisamente al cambéu de llei fixo referencia tamién la conseyera, para xustificar l’aumentu del presupuestu.

Unu de los requisitos p’aportar a les ayudes ye nun entepasar les rentes familiares que señala la convocatoria, amás de nun repitir cursu,  y concédense en réxime de concurrencia competitiva, esto ye, axudíquense n’orde inversu de magnitú de la renta per capita. Y el presupuestu llega hasta onde llega. «A partir d’una cifra, cortaron», esplica una directora.

Per cada alumnu becáu, el centru recibe 105 euros, que se van emplegar na compra de manuales que van ser propiedá del colexu o institutu.

Tamién te podria gustar