Verino celebra’l so 40 aniversariu n’Uviéu

L’Alcalde, Alfredo Canteli, recibió esti dia pela mañana nel Conceyu d’Uviéu al diseñador Roberto Verino quien viaxó hasta la capital asturiana pa participar nes diverses actividaes que s’entamaron na ciudá por cuenta de los 40 años de la so trayectoria.

El primer conceyal quixo estimar la so visita y el compromisu que tien esti alfayate col empléu yá que d’él dependen directamente 400 puestos de trabayu. Canteli deseyólu que pueda siguir creciendo “más allá de los 180 puntos de vienta de los que dispon anguaño” y que lo faiga equí, apostando per Uviéu”.   Pela so parte, el diseñador estimó la gran acoyida que ta teniendo la esposición “40 años d’estilu Verino” que puede visitase nel Auditoriu Príncipe d’Asturies hasta’l día 2 de payares, na que se repasa les 4 décades de trabayu del diseñador y homenáxase a tolos trabayadores que lu han fechu posible: alfayates, fotógrafos, modelos, maquilladores, dependientes…

Tres Uviéu, según esplicó’l diseñador, l’amuesa va percorrer otres diez ciudaes españoles coles mires de dar a conocer los trés principales premises de los sos diseños: que sían “senciellos, funcionales y calidable”. L’oxetivu, indicó l’alfayate gallegu ye que la moda “nun sía un gastu, si non una inversión. El diseñadores tenemos qu’anteponenos a les necesidaes de el consumidores por que vistise convertir nun placer y non n’una esmolición (…) El mio oxetivu ye crear armarios emocionales, que al abrir la ropa tráiganos alcordances y fáiganos sentir seguros de nós mesmos”.

Tres la visita al consistoriu, el diseñador gallegu treslladóse a la Escuela d’Arte d’Uviéu para visitar, xuntu al conceyal d’Economía y Empléu, Javier Cuesta y la directora de la institución académica, Laura Gutiérrez, la esposición  de cartelos que los estudiantes realizaron dientro del Programa ESCURRE” d’innovación y emprendimiento celebráu nel marcu de la iniciativa municipal Uviéu Entama.

Toles actividaes programaes por cuenta de esti 40 aniversariu pueden consultase equí