Vera Lynn publica discu a los 100 años

La cantante Vera Lynn, iconu inglés de la Segunda Guerra Mundial, va publicar un nuevu álbum el próximu mes de marzu, coincidiendo col so cumpleaños númberu 100. La británica conviértese asina na primer artista centenaria en sacar un discu.

Pink Floyd entrugaba en 1979, “¿Hai daquién que recuerde a Vera Lynn?, n’unu de los cantares pertenecientes al so famosu discu ‘The Wall’. Y trenta y ocho años más tarde la cantante inglesa, iconu de la Segunda Guerra Mundial, va publicar un nuevu álbum el próximu mes de marzu, coincidiendo col so cumpleaños númberu 100.

Nacida en 1917 en Londres, Vera Lynn ye una lleenda nel so país, especialmente conocida por animar a les tropes con innumberables conciertos mientres la Segunda Guerra Mundial. La cantante dedicó la so mocedá a animar a los soldaos británicos, viaxando por tol mundu p’actuar pa ellos n’Exiptu, Birmania o India. Ye por ello que aportó a ser conocida como ‘la novia de les tropes’.”

“Vera Lynn 100” va ser el nome del mentáu álbum, que va contener tolos sos temes cláscos cola so voz orixinal pero con nuevos arreglos orquestales. Va Incluyir cantares como ‘Lili Marlene’, ‘We’ll Meet Again’ (’volveremos ver’) o’l famosu ‘The White Cliffs of Dover’ (’Los blancos cantiles de Dover’), bien popular ente les tropes britániques que combatíen per mediu mundu.

“Ye verdaderamente gratificante que la xente esfrute inda d’estos cantares de va tantos años, alicando les emociones d’aquel tiempu”, dixo Lynn nun comunicáu espublizáu por Decca Records, el so sellu discográficu. “Ye maraviyoso pa mi escuchar los mios cantares de nuevu”, añedió.