Uviéu acueye la tradicional Copa de Navidá ente los conceyos de la zona central

El salón de recepciones del Conceyu d’Uviéu acoyó, esta mañana, la tradicional Copa de Navidá ente los alcaldes de la zona central d’Asturies.

Al actu asistió tola corporación municipal, encabezada pol alcalde, Wenceslao López; los rexidores de Xixón y Avilés, Carmen Moriyón y Mariví Monteserín, y el rexidores y rexidores de la mayoría de conceyos estremeros: Ángel García, alcalde de Siero; Jesús Sánchez Antuña, alcalde de Llangréu; Isabel Méndez Ramos, alcaldesa de Les Regueres; Anibal Vázquez, alcalde de Mieres; José Ramón García Saiz, alcalde de La Ribera; Gerardo Sanz, alcalde de Llanera; Ana Isabel Díaz, alcaldesa de Riosa y Jesús Álvarez Barbao,alcalde de Morcín. Tamién tuvo presente Ignacio García Palacios, Presidente de la Federación Asturiana de Conceyos (FACC) y alcalde de Navia.

L’actu empezó cola intervención d’esti postreru quien abogó por llevar l’espíritu de collaboración, entendimientu y consensu más allá de les discrepancies”. Al so xuiciu l’escenariu municipal dibuxáu tres les últimes elecciones autonómiques y locales dexa n’evidencia la necesidá de reforzar la cultura del diálogu (…) porque nos xune más de lo que nos dixebra”. García Palacios tamién recordó a les families que más sufren la crisis nel Principáu yá tolos  afectaos poles quemes rexistraos estos díes n’Asturies que, na so opinión, tienen de suponer una de les prioridaes pa el rexidores municipales.

L’alcaldesa d’Avilés, Mariví Monteserín apostó pol entendimientu constructivu” ente toles fuerces presentes nos consistorios (…) Los nuevos retos riquen afayar caminos nuevos pa consiguir oxetivos”.

Pela so parte, la rexidora de Xixón, Carmen Moriyón tamién amosó la so solidaridá colos conceyos asturianos afaraos poles quemes y sorrayó, amás, la necesidá d’impulsar midíes que pongan a les families con tolos sos miembros en paru como la mayor prioridá”.

L’alcalde d’Uviéu, Wenceslao López empezó’l so discursu como anfitrión sorrayando la importancia del municipalismo, “d’asitiar al ciudadanu nel centru de la política” y encamentó a los presentes “a aprender los unos de los otros” y a la FACC a crear “una factoría d’idees” pol bien d’Asturies y del municipalismo. El rexidor destacó’l so “veteranía” al tar presente na Copa de Navidá yá dende l’empiezu,  en 1979.