Uriah Heep ataya los conciertos de la so xira per España, incluyíu’l d’Avilés

Uriah Heep ataya los conciertos de la so xira per España, incluyíu’l d’Avilés, programáu pa esti sábadu, 22 d’ochobre, a les 20.30 hores. Dende güei van facese les devoluciones de les entraes y la comunicación a les persones que les adquirieren.

La banda británica Uriah Heep atayó la so xira per España y otros países europeos, qu’incluyía’l conciertu programáu nel Teatru Palacio Valdés d’Avilés esti sábadu, 22 d’ochobre, a les 20.30 hores, coles entraes prácticamente escoses.

Según espliquen nun comunicáu, viéronse obligaos a suspender el so tour “por cuenta de problemes de ruta y loxísticos colos costos cada vez mayores de la xira”, que n’España cuntaba con tan solo otres dos cites, en Madrid y Barcelona, y que-y diba a llevar amás per Portugal, Ucrania, Polonia, Rumanía, Serbia y Croacia.

Dende güei mesmu empezará a realizar la comunicación a les persones qu’adquirieren localidaes para asistir al recital de los consideraos como unos de los padres del heavy metal. Y tamién se va dar en la devolución del importe de les mesmes.

Los Uriah Heep nun refuguen volver a la carretera si les circunstancies internacionales ameyoren, y asina lo anuncien: “Tamos tratando de reprogramar espectáculos en tantes ciudaes como sía posible en 2023 y más allá. Esculpamos bonalmente por cualesquier inconveniente qu’esto cause a los nuesos fans y a toos el promotores y personal asociáu”.