Tresparencia Internacional “aprueba” al Conceyu d’Uviéu en materia de publicación de contratos

Según l’analís realizáu pola ong Tresparencia Internacional, en xineru de 2016, a 110 consistorios españoles, trés de cada cuatro nun cumplen cola obligación llegal de publicar los sos contratos y llicitaciones na Plataforma de Contratación del Sector Públicu. El d’Uviéu ye unu de los 29 que sí lo fai frente a 81 qu’incumplen esta normativa.

El Conceyu d’Uviéu cumple la obligación llegal de publicación de contratos, según sorraya un estudiu realizáu en xineru de 2016 pola organización non gubernamental Tresparencia Internacional. L’analís, nel que s’evaluaron 110 consistorios españoles, amás de 17 gobiernos de comunidaes autónomes y 19 parlamentos, asitia al consistoriu de la capital asturiana como una de les 29 alministraciones locales que cumplen cola obligación llegal (LLEI 20/2013 de garantía de la unidá de mercáu) de publicar sos contratos y llicitaciones na Plataforma de Contratación del Sector Públicu.

La organización non gubernamental Tresparencia Internacional España, dedicada a combatir la corrupción, sorraya la importancia de que toles instituciones públiques satisfaigan nel menor plazu posible esta obligación llegal, de cara a un aumentu de la tresparencia y la meyora de la eficiencia económica global.