The Rolling Stones vuelven per sesta vegada a Barcelona con sorpreses

The Rolling Stones van actuar esti miércoles 27 de setiembre nel Estadi Olímpic de Barcelona, nel so únicu conciertu n’España de la xira Stones-Non Filter.

Esti tour de la banda británica va percorrer los estadios de toa Europa mientres los meses de setiembre y ochobre, siguiendo colos conciertos de la xira suramericana de 2016 y que remató cola actuación en L’Habana (Cuba). Mick Jagger, Keith Richards, Charlie Watts y Ronnie Wood vuelven a la carretera con un repertoriu llenu de clásicos como Gimme Shelter, Paint It, Black, Jumpin’ Jack Flax, Tumbling Diz o Brown Sugar.

Esta ye la sesta visita de los Stones a la capital catalana, que visitaron per primer vegada en xunu de 1977. Depués volvieron en 1990, 1998, 2003 y 2007. El famosu grupu va incluyir en cada unu de los sos conciertos un par de temes sorpresa escoyíos al azar d’ente’l so estensu repertoriu. Les entraes (totalmente escoses pal conciertu de Barcelona) podíen adquirise namái per internet al traviés de doctormusic.com y ticketmaster.es y el so preciu bazcuyaba ente los 86 y los 290 euros.