Tamos de moda vuelve a los Sábados nel Muséu del Pueblu d’Asturies

Dientro del programa didácticu infantil “Sábados nel Muséu del Publu d’Asturies”,el mes defebreru dedicarase al taller “Tamos de moda”, que ya entamara’l sabadu día dos d’esti mes.

¿Cómo yera l’armariu de los nuesos güelos y güeles? ¿Qué ropa se poníen? La forma de vistir evoluciona y va amestada allugar y a la dómina en que se vive. N’Asturies, la redolada, el clima, les actividaes cotidianes, el costumes y el nivel económicu fueron factores que determinaron los materiales y l’estética de los traxes que se llucíen en pueblos y ciudaes. Nesti taller, vamos conocer la colección de indumentaria del muséu y los instrumentos para la ellaboración y el cuidu de los texíos: les rueques y los fusos con que se preparar los filos, el telar con que s’iguaben les teles, el bugaderu onde s’abogadaba…

Destinatarios: neños/as de 6 a 12 años.
Feches a escoyer:

· De 6 a 9 años: 2 y 16 de febreru, de 10:30 a 13:30 h.
· De 10 a 12 años: 23 de febreru, de 11.00 a 14.00 h.

Places:15 por sesión.
Preciu: Gratuitu.

Inscripción: Nel teléfonu

985 18 29 60

Indicaciones: El muséu va apurrir tolos materiales necesarios para cada actividá. En cada actividá va haber un descansu para tomar un tentempié que los participantes tienen de traer de casa. Parte de les actividaes va tener llugar al campu, polo que s’encamienta traer ropa cómodo, afecha a la dómina del añu y a la previsión meteorolóxica. En casu de nun poder asistir, ye necesariu avisar al muséu para dexar llibre la plaza.