Presentáu’l llibru “Los fugaos del fuerte de S. Cristóbal, Ezkaba, 1938”

El Centru de Cultura Antiguu Institutu de Xixón acoyía esti xueves  24 de payares a les 19 hores la presentación del llibru “Los fugaos del fuerte de S. Cristóbal, Ezkaba, 1938”.

El fuximientu dende’l fuerte de San Cristóbal nel monte Ezkaba, al pie de Pamplona, el 22 de mayu de 1938, ufierta la fascinación de los acontecimientos épicos. Tuvo más reseñes nel New York Times que na prensa española mientres cuarenta años, y saldóse con 206 executaos nos montes, más 14 fusilaos en Pamplona n’agostu de 1938.

Esti ye’l propósitu a la de sopelexar esti ignoráu fuximientu, la mayor fuga carcelaria d’Europa. Revelar les cares y vides de quien entamen la escapada, de quien algamen la frontera, les sos rutes a la frontera de Francia, les fueses que se fueron desaterrando nos últimos años: catorce, colos restos de 54 d’estos fugaos.

Esti penal abríase en payares de 1934 para zarrar a cientos de deteníos de la insurrección que se da n’Asturies, ente otros llugares. Ente los 795 presos republicanos fugaos qu’escapen, 11 yeren asturianos, de los que 5 muerren. El postreru, Benito Pared, llogra algamar la so tierra, Avilés, onde ye ablayáu n’agostu. Vides dignes de nun cayer nel olvidu.

Collabora: Colectivu d’Entidaes Republicanes y Memorialistas d’Asturies