Preparen un nuevu biopic sobro los últimos años d’Amy Winehouse

Una década dempués del so fallecimientu, la figura de la cantante Amy Winehouse sigue bien presente y la productora Halcyon Studios yá prepara un biopic sobro los últimos años de la so vida, inspiráu nel llibru de 2010 ‘Saving Amy’ (‘Salvando a Amy’), de Daphne Barak, sigún confirmó The Hollywood Reporter.

“El nuesu equipu ta arguyosu de trabayar nesti proyectu. Anque la so carrera foi demasiao curtia, Amy foi la voz d’una xeneración y esperamos cuntar la so hestoria de la manera más conmovedora posible”, aseguró nun comunicáu’l conseyeru delegáu de Halcyon Studios, David Ellender.

El llibru de Barak basase en 40 hores de metraxe mientres 6 meses, semeyes esclusives y anotaciones, nes que tantu Winehouse como la so familia collaboraron mientres los sos postreros trés años de vida. L’artista finó a los 27 años el 23 de xunetu de 2011 por causa de xuna intoxicación etílica.

La vida de Amy Winehouse yá foi oxetu d’un documental nel pasáu, col discutiniu y oscarizada película de 2015 ‘Amy’, del director Asif Kapadia, y más apocayá col documental autorizáu pola familia a BBC na so 10 aniversariu, ‘Reclaiming Amy’, y el de la versión de la so afiada, ‘Amy Winehouse & Me: Dionne´s Story’.

L’ésitu profesional de l’artista quedó, en munches ocasiones, clisáu poles sos escarceos coles drogues, l’alcohol y les sos relaciones tóxiques. Anque, tres la so muerte, Amy Winehouse siguió collechando ésitos col so últimu álbum, ‘Back to Black’, convirtiéndose n’unu de los más vendíos de Reinu Uníu nesti sieglu.