Pedro Sánchez: “El IVA cultural va baxar al 10%”

Pedro Sánchez, secretariu xeneral del PSOE visitó esta semana pasada l’Academia del Cine p’aldericar sobre la cultura, y n’especial el cine, con miembros de la institución, y amosó so apueste pol amenorgar del IVA.

L’Academia convidó al restu de los candidatos de los principales partíos nacionales a dir visitando la so see y esbillando los sos programes. Anque Sánchez, d’entrada, dexó claro qu’él diba aprender.

Nun salón d’actos casi llenu, y ante productor, exhibidores, distribuidores, técnicos y actores -en realidá había representantes de toles principales asociaciones de la industria del cine-, Sánchez dexó claro que va recuperar el Ministeriu de Cultura, “encabezáu por daquién con pesu políticu; nun sé’l nome, pero va ser daquién con reconocencia nel sector”, qu’el IVA cultural del 21% va baxar “al amenorgáu del 10% y ensin refugar el superreducíu del 4%, y  “los cambeos van ser estructurales y non coyunturales”.

“El cine ye cultura y non espectáculu, y por tantu l’impuestu tien que correspondese con esa categoría, al igual que nel restu d’Europa, onde se mueve nuna media del 7%” dixi a lo primero del actu.