Paula Pérez y Noelia Brage van ser Reines del Goxu y la Faba del Antroxu 2023

El Antroxu 2023 d’Avilés, que se va celebrar del 15 al 22 de febreru del próximu añu, yá tien Reines. Esta selmana Paula Pérez y Noelia Brage alzáronse cola victoria cola so propuesta “Los 90 antroxados”, ocupando’l tronu que la peña Santa Jarra” había dexáu vacante.

Nunes elecciones que batieron récord de participación con un total de 4.038 votos recibíos, les artífices de “Los 90 antroxados” resultaron vencedores. La propuesta de Paula Pérez Sandonís y Noelia Brage Losada parte d’una entruga: “Por qué cuando volvemos la vista tras siempres nos va l’alcordanza a los 80?”. Reconociendo la importancia d’esa década, dambes proponen celebrar los 90 como “la dómina del afitamientu y de munches, bien de coses bones”. Ente les referencies ‘noventeras’ qu’esta candidatura propón pal Antroxu tán xuguetes como’l Tamagotchi o’l Furby, programes de televisión como El Grand Prix o Qué apostamos, o grupos de música como Backstreet Boys y Spice Girls, ente otros iconos pop de finales del mileniu.

Dambes pertenecíen contra “La era dixital” de l’Asociación Sociocultural COMVER baxu’l lema ” Avilés dixitalizao, Avilés antroxao”. “Tecnoloxía, robots, móviles, Internet, videoxuegos…tolo que t’asoceda esiste de forma dixital. Amás, ye una tema que puede ser bien llucíu, yá que nun hai llendes pa colores, lluces LED o de neón, música…FIESTA”. Dende COMVER defenden que se trata de “una tema actual, modernu ya inclusive, futurista.

Resultancies de les votaciones pa la elección del Rei o la Reina del Goxu y la Faba del Antroxu 2023:

Paula Pérez Sandonís y Noelia Brage Losada: 2.038 votos (641 telemáticos y 1397 presenciales). Tema propuesta: Los 90
Asociación Sociocultural COMVER: 1.951 votos (710 telemáticos y 1241 presenciales). Tema propuesta: La era dixital

Hubo 49 votos nulos.