Naz l’Institutu Universitariu d’Investigación d’estudios sobro la muyer

L’Institutu Universitariu especializáu en Xéneru y Diversidá echó a andar nel finar de xunetu cola publicación nel Boletín Oficial del Principáu (Bopa). Foi una propuesta fecha pol Conseyu de Gobiernu de la Universidá en xunetu de 2020, sofitada pol Conseyu Social de la institución en septiembre del añu pasáu y a la que’l Gobiernu rexonal dio lluz verde’l pasáu 9 de xunetu.

Los sos oxetivos son trés. El primeru ye «impulsar docencia de posgrado especializada por aciu programes de máster y doctoráu n’estudios de les muyeres y xéneru». El segundu, «avanzar nos estudios sobro les muyeres, el xéneru y la diversidá en programes d’investigación (prioritariamente nes árees de les Humanidaes y les Ciencies Sociales y procurando el llogru de proyectos competitivos evaluaos y financiaos por entidaes autonómiques, nacionales ya internacionales)» y, a lo último, ufiertar actualización científica y formación siguida nel ámbitu de los estudios de xéneru, tanto a la comunidá universitaria como a la redolada social, en forma de cursos, seminarios, conferencies».

Los institutos universitarios d’investigación dedíquense a la investigación científica y desenvuelven programes de doctoráu y posgráu.