Muyer ya inmigración centren el Ciclu del XII Foru Solidariu

Cada martes de payares, con entrada gratuita hasta completar aforu proyectense les películes “Fraulein”, “Agua con sal”, “Made in LA” y “Amerrika”.

El Conceyu d’Avilés, dende les conceyalíes d’Igualdá y Cooperación Internacional, en collaboración cola Coordinadora de ONGD´s del Principáu d’Asturies, entama’l Ciclu de Cine “Por ser muyeres” que s’enmarca dientro del programa d’actos del XII Foru Solidariu d’Avilés.

Les películes van proyectase na Casa Municipal de Cultura los díes 3, 10, 17 y 24 de noviembre, a les 20:15 hores. La entrada ye totalmente gratuita y llibre, hasta completar aforu.

Al traviés d’esti ciclu de proyecciones pretende faese visible la situación de la muyer nun contestu de desigualdá a nivel económicu, social y cultural, como al que tou inmigrante enfréntase, pero que nel casu de les muyeres han soportar d’una forma más intensa, precisamente por ser muyeres.Les cintes que dan forma a la programación del ciclu son “Fraulien” (Suiza 2006),  “Agua con sal” (España 2005),  “Made in L.A”. (Estaos Xuníos, 2007) y “Amerrika” (Canadá, 2009).