Mónica Dixon inaugura güei nueva esposición n’As Quintes

La pintora uvieina Mónica Dixon inaugura güei, a les 19.00 hores, na sala de exposición As Quintes n’A Caridá la so retrospectiva “Vivir no estraño”, que va poder visitase hasta’l 22 d’ochobre. Dixon simultanea esta esposición con otra na galería parisina Artima, titulada “Backyards”.

N’As Quintes, una sala que cunta col asesoramientu del escultor Herminio, van esponese los cuadros de los característicos y reconocibles interiores de Dixon, coles sos engañoses xeometríes y los sos xuegos de lluces y solombres. “Vivir no estraño” cuenta con de 17 obres. El críticu Alfonso de la Torre indica nel catálogu editáu para la esposición que son “estancies poblaes poles entrugues”.

Na amuesa d’A Caridá va haber llenzos de tolos tamaños, dende los mayores de 150×150 centímetros a otros más pequenes de 100×100 o 50×50 centímetros, esplica esta autora, una de que les sos obres d’interior, amás, acaba de ser adquirida poles Bodegues Félix Solís nes 83ª edición de la Esposición Internacional d’Artes Plástiques de Valdepeñas, la más veterana d’España, onde la Diputación Provincial de Ciudá Real mercó una escultura de l’artista asturiana Izascun Escandón.

Tantu la d’As Quintes como la esposición de París tuvieron que ser aplazaes pola pandemia y por un problema de salú de l’artista. Agora, nel so regresu, Mónica Dixon amuesa delles obres pintaes mientres los años del covid-19. La pintora nació en 1971 en Marlton, Nueva Xerséi, Estaos Xuníos, de padre estadounidense y madre uvieina.