Música Mojinos Escozíos, Berrones, Las Niñas y Funk’illo disputaránse al públicu d’antroxu na zona central by asturnet 1 de febreru, 2005 written by asturnet 1 de febreru, 2005 13 Mojinos Escozíos en Xixón, Los Berrones n’Uviéu y Las Niñas y O’Funk’illo n’Avilés. El públicu residente na zona central d’Asturies tendrá eses cuatro grandes opciones musicales pa cellebrar l’antroxu, cuyos últimos preparativos acometen yá Xixón y Avilés a 48 hores del xueves de Comadres. N’Uviéu, la folixa demoraráse una selmana más. Por orde cronolóxicu, O’Funk’illo sedrá’l primeru en facer sonar l’antroxu dende l’escenariu central de les fiestes n’Avilés, allugáu na plaza’l Parche. La so actuación produciráse’l sábadu a partir de les 23,30 hores, nuna xornada marcada pola decimoctava edición del Descensu de Galiana, con final previstu nel Parque de Les Meanes. Dos díes depués, el llunes, Las Niñas garrarán el relevu nel antroxu avilesín, pero gran parte de la folixa antroxera d’esa nueche tará na Plaza Mayor de Xixón, onde’l grupu andaluz Mojinos Escozíos protagonizará un irreverente conciertu cuy empiezu ta previstu pa les 22,30 hores, con Jerónimo Granda en calidá de teloneru. Dos díes depués del miércoles de ceniza, que dará por fináu l’antroxu en Xixón y Avilés, Uviéu abrirá les puertes a les sos propies cellebraciones, que van concentrase nun solu fin de selmana y que tendrán el so momentu central nun conciertu’l grupu Los Berrones na plaza de la Catedral el vienres 11 de febreru. Programa completu del Antroxu n’Avilés 0 FacebookTwitterPinterestEmail Anterior Axustes nel testu orixinal demoren l’aprobación del plan integral de política llingüística siguiente Cultura subvenciona con 495.000 euros el remocicamientu d’horros y paneres de más de 65 años Tamién te podria gustar Semando Son amuesa’l nuevu folk asturiano El Trasiegu Fest va tener un mercáu con... Tatxers, Skabidean y la nueva escena musical Navarra... Algaire repite l’éxitu del 2022 en Lorient La Banda Gaites de Castrillón ufrió’l so repertoriu... Fitoria torna nueve años depués a brillar en... La Delegación asturiana en Lorient protagoniza la xornada... Jaime Álvarez gana’l 36 Troféu Mac Crimmon de... Entamó en Lorient el 52 Festival Interceltique 4200 firmes sofiten la música n’asturianu en XIxón