Mocedá del voluntariáu européu ufierten un cursu gratuitu de facilitación gráfica

Esti xueves 28 nel Edificiu Fueru d’Avilés de 16:30 a 19:30 hores, la mocedá que fai llabores de voluntariáu européu ufierten un cursu gratuitu de facilitación gráfica. L’oxetivu ye aprender a ellaborar dibuxos, esquemes y diagrames qu’ameyoren la comunicación n’esposiciones y presentaciones énte públicu. Pa participar hai qu’apuntase nel corréu elpatioavilesgmail.com y solo hai 10 places.

Los mocedá que ta realizando’l so voluntariáu européu nos Servicios de Mocedá del Conceyu d’Avilés, concretamente nel programa El Patiu, ufierten  un cursu gratuitu de facilitación gráfica que ye como se denomina al usu de recursos gráficos como dibuxos, esquemes, diagrames p’ameyorar la comunicación y l’entendimientu. Desendolcase bien con esta técnica, supon xuna ferramienta bien pervalible a la de realizar presentaciones y esposiciones énte un públicu.

¡Atrévite te, te! ¡A dibuxar! ye’l nome que dieron estos voluntarios al taller que ponen en marcha coles mires de treslladar a otros y otres moces d’Avilés les conocencies adquiríes nun cursu Erasmus que realizaron sobro la facilitación gráfica’l pasáu branu. En concretu estos voluntarios tuvieron en Polonia pa recibir formación al cargu de la asociación “YoWo Poland”.

Lo que se trata cola iniciativa ye compartir lo aprendío en Polonia al traviés d’esti cursu gratuitu que va tener llugar esti xueves 28 d’ochobre de 16:30 a 19:30 hores nel Edificiu Fueru. Solo hai 10 places disponibles y pa participar hai qu’unviar un corréu a la dirección elpatioavilesgmail.com.

Dirixíu a les persones que quieran saber más sobro los principios de facilitación gráfica, cómo utilizalo nel trabayu y ‘graphic recording’: ¡apúntate!. Seguro que podrás sacalu un rendimientu a lo aprendío na to actividá. Nun ye necesariu que sías un crack dibuxando p’apuntate al cursu. Porque la facilitación gráfica nun ye solamente faer dibuxos. Al desempeñar esti rol, tenemos de ser capaces de concentranos escuchando, mientres sintetizamos les idees y representales col usu de conectores, imaxes y testu.

Al traviés de la facilitación gráfica favorezse l’entendimientu compartíu y la visualización d’imaxes, amás de xenerar emociones y resumir les coses, sirve pa conectar idees y caltener l’atención. Xuna charra o conferencia con recursos gráficos facilita’l so entendimientu y ayuda a que’l públicu  recuerde meyor lo espuesto.