María José Frías algama’l Premiu Nacional d’Artes Escéniques pa la Infancia 2016

María José Fríes, creadora de la compañía Títeres de María Parrato, foi galardonada esti día col Premiu Nacional d’Artes Escéniques pa la Infancia y la Mocedá 2016 pola so delicada poética na creación de mundos escénicos que dialoguen al par col neñu y l’adultu”.

El xuráu del premiu, que concede añalmente’l Ministeriu d’Educación, Cultura y Deporte ta dotáu con 30.000 euros y reconoz tamién la so “sensibilidá na invención d’universos estéticos poblaos d’oxetos que cobren vida”.

María José Fríes Arevalillo (Cabezuela, Segovia, 1970), afirmó que “nun tien palabres” por esta reconocencia que-y fixo “pensar nos que se queden fora y tamién-y lo merecen”. “Pero güei tengo que ser egoísta y esfrutar esto que’l xuráu diz de mi, porque unu ta bien solo nel día ente día; son tiempos bien duros, y ye una resistencia la que faemos”, dixo pergayolera.

Llicenciada en Belles Artes, especializada en diseñu, pola Universidá Complutense de Madrid, Fríes creo en 1981 en Cabezuela la Compañía Kiriki, que darréu, en 1997, pasó a llamase Títeres de María Parrato. Y ye con esta compañía cola que lleva más de quince año percorriendo los escenarios nacionales ya internacionales con espectáculos como “Les andances de Pepitín”, “Fai munches llunes”, “Cantar de Navidá” o “El gatu Enllordiáu y la golondrina Sinha”.

El so espectáculu más recién ye l’adaptación de la obra de Ernest Hemingway “El vieyu y el mar”.