Margot Robbie va protagonizar una nueva película de ‘Pirates del Caribe’

Margot Robbie va protagonizar una nueva película de ‘Pirates del Caribe’, na que por primer vegada nun va apaecer el personaxe de Jack Sparrow, encarnáu por Johnny Depp.  La nueva entrega de Pirates del Caribe va siguir les aventures d’un personaxe femenín con una trama totalmente distinta de la película orixinal.

Según la revista The Hollywood Reporter, esti proyectu de Disney y Robbie nun tien nada que ver cola anunciada nueva versión na que ta trabayando Craig Mazin, el creador de l’aclamada miniserie Chernobyl. En concretu, la cinta protagonizada por Robbie nun va cuntar col personaxe de Jack Sparrow, popularizáu por Johnny Depp, y va introducir nueves referencies nesti universu fílmico.

Con un total de cinco películes, Pirates del Caribe ye una de les franquicies más codaloses del cine, que recaldó en tol mundu más de 4.000 millones de dólares y contara nos sos creitos con estrelles como Keira Knightley, Orlando Bloom, Geoffrey Rush, Penélope Cruz o Javier Bardem.