Portada Sociedá Maqua acueye la quinta edición del “Avilés Weekend Entamador”

Maqua acueye la quinta edición del “Avilés Weekend Entamador”

by redacción asturnews

L’Espaciu Maqua va ser la see de la quinta edición del Avilés Weekend Entamador demientres los díes 28, 29 y 30 de mayu, cuando va desenvolvese esta iniciativa, promovida pol PCT Avilés Isla de la Innovación, que va axuntar ente 20 y 25 persones participantes (les restricciones del Covid lleven a amenorgar les habituales 30 persones d’anteriores ediciones) con idees empresariales, a les que se-yos apurren medios p’acelerar el desenvolvimientu de los sos proyectos.

Los y les asistentes al eventu van tener a la so disposición un equipu de mentores espertos nel mundu de la innovación, empresa y startups, que van acompañar en tol procesu de creación, diseñu y validación. La cita foi presentada esta mañana pol conceyal de Desenvolvimientu Urbanu y Económicu, Manuel Riola, y l’inxenieru informáticu Fernando Milla, espertu n’innovación y desenvolvimientu de negociu, impulsor de distintos startups y que ye unu de los mentores participantes n’este Weekend  Entamador.

Cualquier persona, con independencia de la so situación académica o llaboral, que tenga una idea susceptible de constituyir l’embrión d’una nueva empresa, puede inscribise nesta actividá al traviés de la páxina https://avilesweekendemprendedor.org/  Nun tien costu dalgunu y namá s’anima a apurrir  una curtia descripción d’una idea empresarial.  El plazu d’inscripción ta abiertu hasta que s’escosen les places.

Tamién te podria gustar