Madonna canta nes cais de París n’alcordanza del atentáu

La cantante estadounidense Madonna improvisó ayeri n’homenaxe a les víctimes de los atentaos del pasáu 13 de payares un conciertu na Plaza de la República de París.

Poco dempués de la so actuación yá programada en Bercy, dientro de la so ‘The Rebel Heart Tour’, la intérprete empobinose a esa céntrica plaza de la capital acompañada del so fíu David y del guitarrista Monte Pittman.

Ellí, según los vídeos colgaos nes redes sociales, cantó xunto a xente sosprendío pola so presencia cancios tan nomaos como ‘Like a Prayer’, ‘Ghosttown’ y ‘Imaxine’, de John Lennon.

“Esta nueche foi máxica. ¡Gracies, París!”, dixo nun mensaxe na so cuenta oficial de la rede Twitter, na que colgó delles semeyes d’esa segunda actuación.

Ante’l gran auditoriu de Bercy, la cantante recordara hores primero que tenía 20 años cuando foi per primer vegada a París y que ende decidió que diba dedicase a la música, y señaló que “el corazón de París y de Francia baten nel de cada ciudá”.

La interpretación del himnu nacional de La Marsellesa foi otru de los momentos destacaos de la nueche, na que xubió al escenariu so amigu y diseñador de moda francés Jean-Paul Gaultier.