#LosEstrenosDelPalacioValdés apuesta pol teatru asturianu con ‘Bojiganga’

Presentolo Sergio Gayol nes redes sociales del teatru güei xueves a les 10 hores. Y a les 18 hores emitiose nel perfil de Facebook (@TeatroPalacioValdes). La obra estrenose nel coliséu avilesín en 2019 y ta representada pola Compañía Teatru del Cuervu con numberosos galardones.

#LosEstrenosDelPalacioValdés de la programación #TeatroAvilésEnCasa que la área de Cultura del Conceyu d’Avilés propón pa faer más llevaderu’l confinamientu, ufiertó esti xueves 23 d’abril volver esfrutar de ‘Bojiganga’. La obra estrenose con gran ésitu’l pasáu 22 de febreru de 2019 nel Teatru Palacio Valdés, al cargu de la Compañía Teatru del Cuervu. D’esta manera, faise unu apueste pola calidá y el valor del teatru fechu n’Asturies.

A les 1o hores tuvo ya disponible nes redes sociales de Facebook, Instagram y Youtube, un vídeu del director y autor Sergio Gayol, falando de la obra, del Teatru, del Centenariu y presentando la obra que va pudo ser vista a les 18 hores nel facebook y instagram del Teatru Palacio Valdés, como nes anteriores actividaes programaes en  TeatroAvilésEnCasa. Bojiganga ye’l tercer “reestreno” que se produz tres ‘La valentía’ y ‘Continuidá de los parques’.

Sergio Gayol (Xixón, 1974) ye’l director de la obra y l’autor del testu, y tamién  ye actor de teatru, cine y televisión, anque ye sobro les tables onde atropa la mayor parte de la so esperiencia profesional con una ventena d’obres como actor y xuna decena como director.

Polo que respecta a ‘Bojiganga’, ye un espectáculu inspiráu nel so propiu términu, entendíu como compañía curtia de los sieglos XVI y XVII de cómicos de la llingua, na qu’hai mayor presencia de muyeres.  Nesta ocasión, la protagonista, ye una compañía del sieglu XXI que los sos actores y actrices, cansaos de tener que desempeñar distintos oficios pa pagar les sos factures, axúntense como de costume pa tratar de caltener viva esa llapada del teatru que paez nun importar a naide más. Ye dende esta realidá, d’ónde surde la idea de volver a los clásicos del Sieglu d’Oru español, col enfotu de tender una ponte d’unión ente’l públicu d’antaño y l’actual, de recuperar el mensaxe esencial que conecta a los seres humanos más allá de toa dómina y llugar y coles mesmes ser capaz d’actualizalo y comunicalo con serendén y frescura.