Los universitarios que faigan práctiques docentes tendrán de llindar la so vida social

Los alredor de 2.000 universitariosqu’a lo llargo de presente exerciciu van tener que faer práctiques nos centros educativos asturianos como parte de la so formación curricular tendrán de llindar la so vida social.

Son los del Máster de Secundaria, los alumnos de cuartu, terceru y segundu cursu d’Educación Infantil y Primaria de la Facultá de Formación del Profesoráu y Educación; de la facultá Padre Ossó, una parte de los del grau de Pedagoxía y los estudiantes del Máster de Llingua Inglesa.

La Facultá de Formación del Profesoráu, en collaboración cola Conseyería d’Educación, lleva dende’l branu calteniendo conversaciones para establecer un protocolu que dexe compatibilizar dicha formación cola seguridá. Una de les midíes alcordaes ye que los estudiantes sigan un plan de formación específicu sobro ferramientes virtuales por que, en casu de qu’en casu de confinamientu, puedan siguir trabayando y sirviendo de sofitu al tutor.

Coles mesmes, gracies al conveniu suscritu ente la Universidá y el Serviciu de Salú del Principáu pa poder faer pruebes PCR a los alumnos de Salú y Educación nesti tipu de circunstancies, los estudiantes van sometese primeramente a los test antes d’incorporase a clase. Y, una vegada qu’empiecen el so trabayu na aula, van tener qu’acutar la so vida social lo máximo posible.