Los grupos locales ponen banda sonora al branu en MusicAvilés

La música fecha n’Avilés, per bandes y solistes locales, vuelve tener protagonismu na programación cultural de les fiestes de San Agustín. La segunda edición del festival MusicAvilés va dar voz nel escenariu de la plaza d’Álvarez Acebal a cinco grupos, notros tantos conciertos gratuitos del hasta’l vienres 13 d’agostu, a les 21  hores.

Puestu en marcha pola conceyalía de Festexos, MusicAvilés celebra y da altavoz la música fecha en y dende la ciudá. Anguaño’l rock va ser protagonista, amosando toles sos dimensiones dende’l metal más potente, hasta’l soníu desnudu del acústicu y los aires pop, cola calidá como enseña, nes actuaciones de The Wild Cruises, Sydius, Macías, Parrots y Nicotine Bubblegum.

Al campu, y con aforu amenorgáu para cumplir con toles garantíes sanitaries frente a la pandemia del COVID-19, les localidaes podrán descargase, de forma gratuita, al traviés de la plataforma dixital invitacionesavilescultural.es

El festival foi presentáu esta mañana pola concejala de Cultura y Promoción de Ciudá, Yolanda Alonso, acompañada por integrantes de les bandes. El programa ye’l siguiente:

Martes 10 d’agostu, 21.00 hores. Sydius
Miércoles 11 d’agostu, 21.00 hores. Macías
Xueves 12 d’agostu, 21.00 hores. Parrots
Vienres 13 d’agostu, 21.00 hores. Nicotine Bubble Gum