Llangréu lleva esta fin de selmana a les sos cais “Tolos d’Asturies”

Un añu más, nel Recintu Ferial Estación d’Autobuses de Llangréu, los díes 5 y 6 de mayu, va celebrase en La Felguera, la feria “Tolo d’Asturies”, qu’anguaño llega a la so sesta edición. La cultura y música tradicional d’Asturies van ser una vegada más les protagonistes absolutes. L’Agrupación Reija participara na organización de la mesma amás de presentar la so esposición “Alcordanza: El Traxe Tradicional n’Asturies” y l’amuesa de la so “Escuela de Música Tradicional”.

Los actos van entamar el sábadu 5 mayu cola apertura de l’amuesa a les 12, onde va participar la Banda de Gaites Conceyu Llangréu. A la una celebraráse una gran sesión vermú con asturianada. A les seis celebraráse una amuesa de deportes tradicionales, y yá de nueche, conciertu. Sedrá de magar les 22 hores con Llariegu y l’espectáculu Asina suena Llangréu, nel que participen Duerna, Marisa Valle Soro, la Banda de Gaites Conceyu Llangréu y otros artistes convidaos. Pa rematar la xornada va tocar el grupu Spanta la Xente.

El domingu a les doce y media entama’l día con una amuesa de deporte tradicinal. A les 13:15 va actuar la banda de música de Llagréu, y yá de tarde, a les cinco, va celebrase una amuesa coral del conceyu. A les seis y media va celebrase un espectáculu a cargu del grupu Herbamora y la Escuela de Música Tradicional Reija de Llangréu.