L’IS tumba más patrimoniu en Palmyra

El grupu terrorista Estáu Islámicu (IS) fizo saltar pel aire esti día otres trés antigües torres de tumbes construyíes ente los años 44 y 103 a.C. na ciudá de Palmyra.

L’anunció facíalu esti mesmu vienres el máximu responsable d’antigüedaes del Gobiernu siriu, Maamun Abdulkarim, que nunes declaraciones a l’axencia Reuters señaló que fontes en Palmyra confirmaren-y la destrucción de trés torres, incluyida la de Elahbel, que foi construyida nel añu 103 a.C. y que, según dixo, tenía cuatro plantes y un pisu soterrañu.

L’anunciu produzse dempués de que’l grupu que lidera Abu Bakr al Baghdadi destruyera nes últimes selmanes dellos importantes templos de la era romana de la ciudá, el Baal y el de Bel. La ciudá, que ye considerada Patrimoniu de la Humanidá pola UNESCO, foi tomada pol IS el pasáu 20 de mayu.