Les XVI Xornaes contra’l racismu y la xenofobia siguen desenvolviéndose en Xixón

Esti vienres 19 de marzu a les 11 nel Salón d’actos del CCAI siguen desenvolviéndose les XVI Xornaes contra’l racismu y la xenofobia.

Enmarcada dientro del programa de les XVI Xornaes contra’l racismu y la xenofobia, qu’entama’l Conceyu de Xixón xuntu con ocho entidaes sociales de la ciudá, la convivencia intercultural va protagonizar esta xornada de vienres.

Por cuenta de la celebración el día 21 de marzu, del Día Internacional para la Eliminación de la Discriminación Racial, y nel marcu de les XVI Xornaes contra’l racismu y la xenofobia, el Conceyu de Xixón xuntu con ocho entidaes sociales de la ciudá ta desenvolviéndose un programa d’actividaes mientres la selmana del 15 al 21 de marzu y que, por cuenta de la situación de pandemia, dalgunes van ser namá accesibles al traviés d’internet.

Xornada técnica: La convivencia n’una sociedá multicultural y la perspectiva dende la escuela.
Por Hans Van Dean Broek, profesor de socioloxía de la Universidá d’Uviéu

Educación intercultural: De la urxencia cuantitativa a la esixencia democrática. Un estudiu na ciudá de Xixón.
Por María Louzao Suarez, orientadora nel IES Padre Feijoo y miembru del Grupu Eleuterio Quintanilla