Les Xornaes d’Estudiu aporten a la fin ente ponencies filoloxíques y sociollingüístiques

Los aspeutos filolóxicos y los sociolliungüísticos protagonizaron la segunda de les XXXIV Xornaes d’Estudiu de l’ALLA que finen esti xueves.

Esti miércoles 4, les Xornaes entamaron con Guillermo Lorenzo. (Universidá d’Uviéu) entrugándose “¿Por qué no en asturianu? El infinitivo flexionado como apomorfía negativa de la lengua asturiana”, una ponencia que punxo enrriba les meses delles cuestiones filolóxiques. Tres del alderique, presentáronse les comunicaciones Carmen Muñiz (“Aspeutos pragmáticos y entonativos de ho”)  y Alberto Gómez Bautista (“Contributo para una história do asturo-leonês em Portugal”). Y dientro d’esti conxuntu de comunicaciones, los periodistes Próspero Morán López y Rubén Martín-Llames ficieron un averamientu a la Comunicación institucional y la  llingua asturiana na era d’Internet, con el casu del Ayuntamientu de Xixón como referente d’una situación na que con munches menos ferramientes qu’hay una década, prodúcense munchos menos conteníos n’asturianu.

La ponencia de Morán y Martín-Llames repasó l’emplegu de la llingua asturiana na comunicación institucional nel Conceyu de Xixón dende l’aportar de la democracia y centrose nel desenvolvimientu de la presencia de la llingua nos ámbitos de comunicación dixital dende l’aportar de la Wikipedia y de ferramientes de traducción automática como Apertium y el proyeutu basáu nesi motor y desenvueltu pola Universidá d’Uviéu, Eslema.

Tres de la posa vinieron les ponencies de Teresa Bellido Calduch (Universidá de Castelló & Universidá d’Uviéu) sobre el “Estudiu de los niveles d’usu, valoración y actitúes llingüístiques hacia la Llingua Asturiana qu’amuesen los futuros maestros. Implicaciones educatives y curriculares”. Y la de María Olga Álvarez Huerta (Universidá d’Uviéu) alrodiu de “Los verbos con prefijo a- en asturiano”.

La xornada final del xueves entamará con José Virgilio García Trabazo (Universidá de Santiago) falando de “Toponimia prelatina de Asturias: balance y revisión crítica”, pa siguir darréu con delles comunicaciones de Xuan Xosé Lajo (“El pretéritu indefiníu en senabrés – Estudiu de les variaciones xeográfiques”), Rosabel San Segundo Cachero (“Negación metallingüística y negación oracional: non y nun”) y Carmen Muñiz Cachón (“Aspeutos pragmáticos y entonativos de ho”). Tres la posa, les ponencies de Roberto González-Quevedo González (ALLA & Universidá d’Uviéu) sobre “Marcadores n’asturianu” y de Rosa María Medina Granda (Universidá d’Uviéu) sobre oralidá lliteraria na Edá Media asturiano-lleonesa: “una hipótesis interdisciplinaria” pesllarán les Xornaes d’esti añu.