Les XIDE finen estudiando los nomes comerciales de vinu, sidra y cerveza n’Asturies

La xornada tercera y cabera d’esti Conceyu Internacional celebráu pola Academia de la Llingua Asturiana n’Uviéu, va entamar a les cuatro y media cola ponencia d’Ana Isabel Boullón, de la Universidá de Santiago, alredor de “Cuestiones de onomástica gallega y asturiana”. A les cinco y cuartu, la presidenta de l’Academia de la Llingua Asturiana, Ana María Cano González, va falar de “Más apellíos modernos vinientes de xenitivu”.

A les cinco y media, Xuan Xosé Lajo Martínez comentará dalgunes cuetiones alredor de “La formación y emplegu de los antropónimos en Senabria: nomes oficiales, oficiosos y nomatos”, siguiendo Clara Elena Prieto Entrialgo cola comunicaicón “Nomes comerciales del vinu, la sidra y la cerveza n’Asturies”.

Les últimes conferencies de les Xornaes van dales María Dolores Gordón Peral, de la Universidá de Sevilla, que va falar de les “Güelgues hestóriques de la presencia d’asturianos y lleoneses n’Andalucía Occidental y la Baxa Estremadura y Stefan Ruhstaller de la Universidá Pablo de Olavide con “Los primeros diccionarios etimolóxicos de nome de llugar.

Programa completu d’actividaes de les XIDE