Les esixencies salariales de Tom Cruise conxelen el rodaxe de Misión Imposible 6

Misión Imposible, la esitosa película d’acción y aventures, paralizó pel momentu la preproducción de la so sesta entrega. Paramount decidió optar por esta opción tres les esixencies salariales de Tom Cruise, la estrella de la franquicia.

Según informa The Hollywood Reporter, la productora pretendía empecipiar la preproducción a entamos del próximu xineru, pero les discrepancies salariales con Tom Cruise detuvieron el procesu. L’estudiu, que cofinancia la película con Skydance, entá nun se punxo acordies con l’actor, quien interpreta al axente Ethan Hunt, el protagonista de la cinta. Les mesmes fontes apunten que l’intérprete quier que Paramount págue-y el mesmu salariu qu’Universal pol reboot de ‘The Mummy’. Sicasí, la productora pretende abonar la mesma cantidá que pola anterior entrega.

Nun ye la primer vegada que’l proyectu ta a puntu d’aparase. La película tamién tuvo problemes col guión, polo qu’esti ye’l segundu contratiempu pa la cinta, que diba estrenase a finales el próximu añu.