Les baxes de profesoráu van cubrise dende’l primer día

El ministru d’Educación, Cultura y Deportes, Íñigo Méndez de Vigo, fai anuncia de que les baxes del profesoráu nun van esperar 10 díes a cubrise como hasta agora.

A tres meses de les elecciones, el ministru d’Educación, Cultura y Deportes, Íñigo Méndez de Vigo, dio a entender esta mañana que l’Executivu va desbloquiar de forma inminente l’actual sistema pa qu’un profesor nun puede ser sustituyíu hasta pasaos 10 díes desque empieza so baxa.

Esta situación, que se produz en tolos centros sosteníos con fondos públicos d’España desque, n’abril de 2012, aprobóse’l polémicu real decretu de midíes d’aforru, provocaba qu’haya neños que se pasen más d’una selmana ensin el so profesor habitual.

Méndez de Vigo adelantó nun almuerzu informativu esti día que’l Grupu Popular presentó ayeri pela tarde nel Senáu una enmienda a los Presupuestos Xenerales del Estáu pa que les sustituciones prodúzanse de momentu, ensin tener qu’esperar 10 díes, en circunstancies escepcionales.

Eses situaciones d’escepcionalidá son, según el testu de la enmienda los casos de les baxes por paternidá, adopción o embaranzu; los docentes de los centros nos qu’haya una sola clase por cursi  los de les escueles rurales, mayoritariamente; o nel casu de profesores qu’atiendan a alumnos con necesidaes especiales y los que s’encarguen del segundu cursu de Bachilleratu.

Fuentes del Ministeriu esplicaron qu’esa enmienda va ser incorporada al proyectu de llei de los Presupuestos Xenerales del Estáu, cuidando que el PP tien mayoría absoluta.