L’alcordanza de Mánfer: “Nueche d’insomniu”

A carlotina

Nesta nueche d’insomniu
apetezme falar cola lluna,
pa ver si la convenzo
que venga a la cama conmigo.
Que m’allurie una añada y me duerma
pa suañar qu’amanezo contigo.

Nesta nueche d’insomniu
apetezme falar coles ñubes,
y entrega-yos un tienru mensaxe
que lu dexen cayer en to llechu,
llexando selino,y t’espierte callando, ensin ruíos.

Nesta nueche d’insomniu
que se faen tan llargues les hores,
apetezme falar coles sombres,
y pente’l misteriu del espaciu’l cielu,
tan fríu y tan prietu,
que me lleven espiertu al to ñeru.

(Lletres Asturianes, mayu de 1995)