Lady Gaga retoma la so xira europea y va actuar en Barcelona’l 14 y 16 de xineru

Los fans de Lady Gaga que se quedaron coles ganes de vela en Barcelona tán de norabona. La so visita a Europa va entamar con un doble conciertu nel Palau Sant Jordi los díes 14 y 16 de xineru, tal que avanza la promotora Live Nation.

La xira de Lady Gaga foi reprogramada al completu para 2018 y va respetar l’orde que tenía establecíu antes de tener que suspendela. Va Ufiertar 16 conciertos en territoriu européu y va atayar la xira ‘Joanne World Tour’ cola so actuación del 23 de febreru en Berlín.

Dende Live Nation recuerden que les entraes adquiríes primeramente pal conciertu que se diba a realizar el 21 de setiembre en Barcelona van ser válides el próximu 16 de xineru. Ente que les que pertenecíen al recital del 22 de setiembre van faer lo propio’l 14 de xineru. Amás, dende güei y hasta el 12 de payares, la devolución de les entraes va tar disponible al traviés del puntu de vienta oficial nel que fueron adquiríes.