L’Academia de la Llingua Asturiana aconceya con Ciudadanos

Xosé Antón González Riaño y José Luis Costillas Gutiérrez aconceyaron esti llunes pa falar de la política llingüística y la posición que nesti sen caltién el partíu Ciudadanos n’Asturies.

Nel día de güei, Xosé Antón González Riaño, Presidente de l’Academia de la Llingua Asturiana (ALLA), y José Luis Costillas Gutiérrez, Secretariu d’Aición Institucional de Ciudadanos, tuvieron una xunta de trabayu pa falar de delles cuestiones importantes en rellación cola política llingüística y la posición que nesti sen caltién el partíu Ciudadanos n’Asturies.

El Presidente de l’ALLA treslladó al so interllocutor los plantegamientos de la Institución pa col procesu d’oficialidá de la llingua asturiana, asina como les midíes de política llingüística qu’habríen llevase a cabu, tanto a nivel autonómicu como municipal, acordies cola actual marcación llegal qur fixa l’usu del asturianu.

L’aconceyamientu féxose nun clima de cordialidá y confianza y alcordóse caltener, en curtiu plazu, un alcuentru más ampliu nel que participaren Ignacio Cuesta Areces, coordinador de Ciudadanos n’Asturies y la so portavoz parllamentaria, Susana Fernández Álvarez