La XDLA entama les actividaes nel Topu Fartón

Esti llunes 14 entamen les actividaes del Chiringuitu El Topu Fartón 2015 (Chigre de Xega, Xunta pola Defensa de la Llingua Asturiana y SOS Racismu), na plaza del ayuntamientu d’Uvieú.

Les actividaes que van desenvolvese a lo llargo de toles fiestes de San Mateo arranquen esti llunes 14, a las 13 hores, cola presentación del llibru “Pasiando per Uviéu”, d’Esther Prieto y Samuel Castro (Ediciones Trabe).

Mañana martes 15, a les 18 hores ta programada una Charla “BDS, un compromisu solidariu”, del Comité Solidaridá Causa Árabe y el miércoles 16 habrá dos actividaes: A les 13 hores, Fomentu del cooperativismu y sidra n’asturianu, con Sidra L’Allume, y a les 19 hores presentarase l’informe añal de SOS Racismu con participación y esposición d’Amnistia Internacional.

El xueves 17, a les 19 hores habrá un Taller de Taichi y el vienres 18, a les 18, ta programada una Charla sobre “Palestina, una mirada dende Asturies”, del Comité Solidaridá Causa Árabe.

La fin de selmana entamará’l vienres 18, a les 19.30 hores, con una perguapa clase de baille tradicional col Grupu San Félix de Candás., siguiendo’l folclore’l sábadu 19, a partir de les 12.30 hores. colos Cantarinos de chigre que va trayer “El coriquín La Pega”. Y esi mesmu día, a lo llargo de tola xornada habrá una Feria del Llibru y Discu Asturianu.