Patrimoniu Belenos presenta “Los llavaderos del Conceyu Piloña” by redacción asturnews 12 de setiembre, 2015 written by redacción asturnews 12 de setiembre, 2015 60 La Fundación Belenos vieno acabante d’asoleyar “Los llavaderos del Conceyu Piloña”, un llibru que fai’l númberu 9 de la so coleición Cartafueyos de Belenos y del que ye autor l’etnógrafu piloñés Daniel Cueli Canto (Coya, 1978). Cueli ye precisamente miembru de la Fundación Belenos y del Conseyu Editorial de la so revista Asturies, memoria encesa d’un país, y el so llibru ye’l resultáu d’un trabayu de trés años que lu llevó, ente otres coses, a censar tolos llavaderos d’esti conceyu del centru-oriente d’Asturies. Portada del llibru La obra, de 72 páxines ya ilustrada con 84 semeyes a color, divídese en cuatro partes: un Entamu, nel que s’espliquen les razones que llevaron a iguala; unes Notes, nes que se traten estensamente delles cuestiones al rodiu los llavaderos de Piloña (cronoloxía, tipoloxía, elementos arreyaos…); darréu apúrrese’l Censu de los llavaderos públicos esistentes nel conceyu y, por último, apaecen dellos Apéndices empobinaos a tratar dalgunes cuestiones d’una forma más específica. La coordinación editorial, el diseñu y la maquetación corrieren a cargu d’Ástur Paredes, tamién etnógrafu y miembru de la Fundación Belenos. La presentación pública del llibru va tener llugar en L’Infiestu, nel marcu del llavaderu públicu de Los Caños, allugáu nel barriu de Triana de la capital piloñesa, el sábadu 19 de setiembre de magar les 12’30 hores. Dempués el llibru podrá mercase, a un preciu de 15 €, nes llibreríes Rima y Jambrina (L’Infiestu), La Escolar (Nava), Cervantes y Ojanguren (Uviéu) y Paradiso (Xixón). Daniel CueliEtnografíaFundación BelenosL'InfiestuLlavaderosmemoria encesaPiloñarevista Asturies 0 FacebookTwitterPinterestEmail Anterior El Gobiernu afita la promoción interna na universidá siguiente La XDLA entama les actividaes nel Topu Fartón Tamién te podria gustar Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre La UABRA aporta a la segunda selmana d’actividaes Mieres pon en marcha’l programa de visites al... La Guerra Civil protagoniza una esposición n’El Coto La torre de la Catedral abre a les... La esposición ‘De la escuridá a la llume’... La Indumentaria tradicional del oriente d’Asturies (1880-1920) aporta... L’Alfarería de Faru protagoniza un Taller didácticu en... Paz García Quirós fala de la industrialización de...