La X Edición de Folclore Tradicional na Cai aumenta’l númberu d’actuaciones hasta les 170

El presidente de la Fundación Municipal de Cultura, Roberto Sánchez Ramos, presentó la selmana pasada la X edición de Folclore Tradicional na Cai, qu’anguaño aumenta’l númberu d’actuaciones hasta les 170 y la so duración, yá que se va desenvolver ente los meses de marzu y ochobre, participandon once grupos de baille y cinco bandes de gaites.

Sánchez Ramos aseguró qu’esti festival ye unu de los principales reclamos turísticos y culturales de la ciudá. “Esti festival constitúi la ufierta folclórica más importante d’Asturies y unu de les más importantes d’España”, amestó nesti sentíu.

El conceyal aprovechó la presentación pa felicitar púbicamente a la Banda de Gaites Ciudad d’Uviéu por llograr el títulu de ‘Real’nel so 25 aniversariu, “lo que realza la calidá de los sos músicos, principal cantera de gaiteros d’otres formaciones”. Sobre la yá Real Banda de Gaites Ciudad d’Uviéu, Sánchez Ramos adelantró que teníen cerraes más de 130 actuaciones pal presente añu, tantu n’Asturies como n’otros puntos d’España y del estranxeru.

Sánchez Ramos, tuvo acompañáu na rueda de prensa pol responsable técnicu d’esti festival, Adolfo García Blanco y el director de la SOF, Javier Batalla.  Adolfo García Blanco, pela so parte, esplicó que nesta décima edición del festival participen once grupos de baille y cinco bandes de gaites, una formación más per cada categoría. Los grupos de baille van empezar a actuar, pel centru históricu de la ciudá, esti próximu sábadu 4 de marzu ente que les bandes de gaites facer a partir del día 18 d’esti mes. Toos ellos van actuar los sábados, domingos y díes festivos, n’horariu de 11:30 h. a 14:30 h., amás d’otres actuaciones mientres tol añu 2017.