‘Warcraft’, ‘Guerreros Senpais’, ‘Viaxe con vos mesmos’ y ‘La fauniplaga’ ganen el Concursu d’el Antroxu 2017 n’Uviéu

Dende les  17 hores, miles de persones pudieron esfrutar esti sábadu del pasacais del Antroxu d’Uviéu, que como ye tradicional  salió de la Llosa de Renfe pa percorrer les cais de la ciudá hasta la plaza de la Catedral onde se celebraron los diversos concursos na so categoría d’Adultos.

Na modalidá individual, el primer premiu, dotáu con 300 euros, recayó en Francisco José López col so disfraz de Warcraft. La medaya de plata, compensada con 200 euros foi para Alicia Vilabrille col so disfraz “Diosa del Mar del Norte”. La tercer posición foi pa la “Fofucha máxica” de Beatriz Rodríguez y (100 euros) y la cuarta para “En busca d’una llamarga” de Juani Acevedo (75euros)

Na categoría PAREYES reconocióse a “Los guerreros Senpais” de Juncal Martínez y Maicol Camilo, como’l meyor disfraz con un premiu de 350 euros.  El trabayu tituláu”Les moces de la Cruz Roja” de Francisco Javier Calvo y Francisco Suárez quedó en segundu puestu con 250 euros.

Tocantes a la modalidá de GRUPOS, CHARANGUES Y FANFARRIES partiéronse un total d’ocho premios: el primer puestu, con 900 euros, foi para “Viaxe con vos mesmos”, el segundu, con 800 euros, reconoció a “Una boda hindú”. En tercer posición, con un premiu de 650 euros, quedó “Harry Potter” y en cuarta, con un pagu de 500 euros, “Con vespas y a lo lloco”.  Con 400 euros premióse la propuesta “Esi Velázquez”,  y con 250 euros a “Llambiotaes”. El séptimu llugar, con 120 euros como premiu, foi pa “El monte enmacarado”  y l’octavu, con 90 euros, pa “Astronautes  y nave espacial”.

Na categoría de “Colectivos de centros sociales d’Uviéu” la medaya d’oru, con un premiu de 1.200 euros, foi parar al de Ventanielles cola propuesta “La funiplaga selvaxe invade Uviéu”, la de plata,  dotada con 900 euros, foi pal CS d’Oteru con “No fondero del mar basureru nunca más” ,  ente que’l bronce valoráu en 800 euros recayó en manos de los miembros del CS de Tudela Veguín con “Tino Casal, antes, agora y siempres, Veguín te siente”.

Nesti actu celebráu na Plaza de la Catedral tamién se fixo públicu’l fallu del Concursu d’Establecimientos Hosteleros” qu’anguaño conquistó’l local La Radio CB cola so propuesta “Radio Beach”. Esta primer posición tien un premiu de 1.000 euros. En segunda posición quedó la decoración titulada “La Xungla” del local El Covarón que s’embolsó 800 euros. El Chigre Guillén consiguió los 500 euros del tercer puestu gracies a la so propuesta “Molín Carbayón”, ente que Mamy Blue Uviéu alzóse colos 350 euros del cuartu puestu con “El circu”.  Los establecimientos Joker y Tierra Ástur- antigua sidrería Asturies consiguieron el quintu y sestu premiu dotaos con 250 y 200 euros respectivamente.

Tres los concursos, el Antroxu d’Uviéu siguió col entierru de la Sardina, que’l so cadabre foi veláu por plañideres y músicos enllutaos. El puntu y final de la fiesta corrió al cargu de “Kaña”, un espectáculu pirotécnicu y musical que percorrió diverses cais del centru de la ciudá.