La militancia d’IX va decidir si aprueba’l documentu d’axenda política alcordáu cola FSA-PSOE

La militancia d’IX va decidir ente’l vienres y el sábadu si aprueba’l documentu d’axenda política alcordáu cola FSA-PSOE y el sofitu a la investidura del candidatu socialista a la presidencia del Principáu. El Conseyu Políticu d’IX alcordó na nueche del miércoles la convocatoria d’esta consulta pa que sía l’afiliación quien refrende’l pactu de investidura que, en palabres del coordinador xeneral d’IX Asturies, Manuel González Orviz, supon “una fueya de ruta pa favorecer un cambéu a la izquierda nes polítiques del Gobiernu d’Asturies”.

Tanto’l coordinador como’l voceru d’IX na Xunta Xeneral del Principáu, Gaspar Llamazares, defendieron l’alcuerdu que, na so opinión, pon en primer planu de l’acción política les necesidaes de la xente, con midíes de rescate social, pero tamién de dinamización económica, rexeneración democrática, llucha contra la corrupción y defensa de los intereses d’Asturies, y llueñe d’enriedos políticos”.