La maxa de la navidá llega al Palaciu Valdés con un musical de suañu

La maxa de la navidá llega al Palaciu Valdés con un musical de suañu, un vibrante espectáculu y la meyor danza. Esti martes 27, y tamién el miércoles 28 y el xueves 29 d’avientu, dientro del ciclu JovenEscena. “Magic Dreams, el musical”, espectáculu basáu nes películes más conocíes de Disney; el magu Miguel de Lucas col so show “Hai un magu en ti”; y la plasticidad de la coreografía contemporanea con “Xeometría”. Les entraes pueden adquirise nes canales habituales.

De la mano de Mickey y Minnie Mouse y de los sos indixebrables amigos Donald y Goofy, el públicu va poder realizar un percorríu por delles de les películes de Disney que marcaron la so infancia en “Magic Dreams, el musical”, col que JovenEscena da empiezu al so programa’l martes 27 d’avientu en dos sesiones: a les 17:00 y a les 19:00 hores. La maxa de los cuentos va saltar de la pantalla con 14 artistes n’escena, cantares en directu, espectaculares númberos de circu y vistoses coreografíes dignes de los meyores musicales.

La segunda función propón al espectador atopar dientro de sí mesmu la maxa que puxa por salir del so interior, nel espectáculu de maxa “Hai un magu en ti”. El avezado mentalista Miguel de Lucas, presentador del programa de televisión “Un país máxicu”, va ser quien ayude a los incipientes magos a desenvolver tol so potencial. Mentalismo, cartomagia, tresposiciones o viaxes nel tiempu faen d’esti risonderu y vitalista espectáculu los mieles de los más pequenos, que van poder esfrutalo’l día de los santos inocentes, el miércoles 28 d’avientu a les 18:00 hores.

Finalmente, el xueves 29 d’avientu, a les 18:00 hores, ciérrase’l ciclu col espectáculu de danza “Xeometría”, de la compañía Roseland Musical, que combina la danza contemporanea con acrobacies y danza urbana. Proyecciones en 3D, música, imaxe y movimientu nun espectáculu que toma como puntu de partida un círculu, un cuadráu y un triángulu, trés figures fundamentales d’una de les ciencies más antigües de la humanidá: la xeometría.

Más información