Convocatories La lluz de Xovellanos sigue abierta nel Palaciu Revillaxixéu by asturnet 28 de xunetu, 2011 written by asturnet 28 de xunetu, 2011 28 El Palaciu Revillaxixéu (Xixón) y la Casa Natal de Xovellanos acueyen ente abril y setiembre de 2011 la esposición La lluz de Xovellanos, que conmemora los 200 años de la muerte del ilustráu. Entamada por Acción Cultural Española (AC/Y), el Conceyu de Xixón, Caxastur y l’Institutu Feijoo d’Estudios del Sieglu XVIII, l’amuesa tien por oxetu averar a los ciudadanos la vida y obra del prócer con referencies a aspeutos familiares, la so peripecia política, les sos obres económiques, los sos proyectos pedagóxicos y l’urbanismu xixonés. Esposición con catálogu venceyada al bicentenariu de Xovellanos que va sirvir pa dar a conocer los sos compromisos vitales y el proyectu ilustráu qu’acometió, que supunxo la puesta en práctica a escala del programa de progresu y felicidá pública de la Ilustración europea. L’amuesa, coordinada pol Institutu Feijoo d’Estudios del Sieglu XVIII, estrémase en dos grandes árees temátiques, con diverses secciones: Xovellanos: redolada familiar ya intelectual, el gabinete d’un ilustráu, maxistratura y vida política, visiones y representaciones de la so figura, el Xixón del sieglu XVIII. L’Asturies del sieglu XVIII, tantu la que yera como aquella en que quería tresformase: territoriu, economía y sectores granibles, ciencia, universidá, sociedá y cultura. L’amuesa esibe doscientes cincuenta y seis pieces, procedentes d’ochenta instituciones, ente les que se cunten archivos y biblioteques nacionales, conceyos, bancos, fundaciones, academies, museos y colecciones particulares. 0 FacebookTwitterPinterestEmail Anterior Organicen un homenaxe a Nel Amaro n’El Cafetón dAvilés siguiente El profesor de Filoloxía Alfredo Alvarez foi nomáu esti miércoles nuevu Direutor Xeneral de Política Llíngüistica Tamién te podria gustar Payares acueye les XLI Xornaes Internacionales d’Estudiu de... Nun Tris abre les Xornaes del Festival Nel... Aína entama’l cursu políticu con un actu n’Uviéu L’ALLA abre’l plazu pa los cursos de la... El Grupu San Félix sigue celebrando los sos... Fallu del xuráu del Concursu de Proyectos de... Iniciativa y la Fundación Almastur presentaron la Xira... Llangréu acueye esti marzu la X Sestaferia Educativa La canal de YouTube Crónicas d’Asturies convoca un... Avilés dedica’l so XIX Foru Solidariu a la...