La fin de selmana pieslla n’Uviéu los conciertos de les fiestes de San Mateo

Güei vienres, a partir de les nueve y media nueche “Nueche Jazz & Blues”, con Joaquin Chacón, Zem (d’Asturies), Javier Vargas y Los Redentores. Una hora más tarde va celebrase en San Llázaru, una “Nueche Hip-hop”, con Quilate, Falsalarma, Rapsusklei & Jahsta Reggae Band y Sfdk.

El sábadu San Llázaru acueye l’actuación d’El Barrio, a les nueve y media y na plaza la Catedral, dende les cinco la tarde llega’l Día de la Música Asturiana, con Tonada Asturiana, Coros, Cuartetos, Ochotes, Intérpretes de la renovación de la tonada, Gaiteros, Pareyes de Baille, Grupos de Baille, Bandes de Gaites, Cantautores de la Música Asturiana, Grupos Folk y como pieslles’l conciertu d’Hevia y del grupu Nuberu, que se despide esti añu de los escenarios.

El domingu van pesllase les fiestes con Calamaro, con Pablo Valdés como convidáu, too ello a les 22:30 en San Llázaru. Na Plaza la Catedral, a les 21:30h, van tar Estrella Morente, Mª Dolores Pradera Y El Dúo Dinámico. Una nueche pa l’alcordanza musical y pa la fin de les fiestes de San Mateo.